NEW DELHI MEDIA HOUSE
Breaking News

మనోహర్ వారసుడిగా ఠాకూర్ !!

Updated: Sunday 22,2016

ముంబయి: శశాంక్‌ మనోహర్‌ వారసుడెవరో తేలిపోయింది. ముంబయిలో జరగబోయే ప్రత్యేక సర్వసభ్య సమావేశంలో ప్రస్తుత కార్యదర్శి అనురాగ్‌ ఠాకూర్‌ అధ్యక్షుడిగా ఏకగ్రీవంగా ఎన్నికవనున్నాడు. శనివారం అధ్యక్ష పదవికి ఠాకూర్‌ ఒక్కడే నామినేషన్‌ వేశాడు. అతను బెంగాల్‌ క్రికెట్‌ సంఘం అధ్యక్షుడు సౌరభ్‌ గంగూలీ సమక్షంలో నామినేషన్‌ దాఖలు చేశాడు. ప్రస్తుతం బోర్డు అధ్యక్షుణ్ని ప్రతిపాదించే అధికారం ఈస్ట్‌ జోన్‌దే. ఆ జోన్‌లోని ఒక సంఘం ప్రతిపాదించినా అధ్యక్ష పదవికి పోటీ చేయొచ్చు. ఐతే భారతీయ జనతా పార్టీ ఎంపీ కూడా అయిన ఠాకూర్‌కు మద్దతుగా ఈస్ట్‌ జోన్‌లోని ఆరు సంఘాలూ నామినేషన్‌ పత్రాలపై సంతకాలు చేయడం విశేషం. ఐసీసీ ఛైర్మన్‌ పదవి చేపట్టడం కోసం మనోహర్‌ కొన్ని రోజుల కిందటే బీసీసీఐ అధ్యక్ష పదవికి రాజీనామా చేసిన సంగతి తెలిసిందే. అనురాగ్‌ స్థానంలో బీసీసీఐ కార్యదర్శిగా మహారాష్ట్ర క్రికెట్‌ సంఘం అధ్యక్షుడైన షిర్కే ఎంపికయ్యే అవకాశాలున్నాయి. లోధా కమిటీ ప్రతిపాదనల్ని అమలు చేసే సామర్థ్యం లేకపోవడం వల్లే తాను బీసీసీఐ అధ్యక్ష పదవి నుంచి తప్పుకున్నానని శశాంక్‌ మనోహర్‌ తెలిపాడు.


 
Tags:  Thakur to be next BCCI President after Shashank Manohar!!
 

Related Stories